PRESENTACIÓN DO MANIFESTO.
Hoxe, no Parador de Turismo, Directivas e Directivos das Asociacións Culturais Fuco Buxán e Memoria Histórica Democrática presentaron ante os Medios de Comunicación o Manifesto con motivo do 50 Aniversario do 10 de Marzo de 1972, que terá lugar o vindeiro ano. Promovido este Manifesto por ambas organizacións co apoio de outras Asociacións e Entidades e de numerosas persoas, de todos os ámbitos da sociedade, explica as motivacións para levar a cabo todos os actos que no próximo 2022 se celebrarán, non só como lembranza dos pasados feitos senón como a necesidade de coñecelos e relacionalos coa vida presente e futura.
Fixeron a presentación do acto, pola A.C. Fuco Buxán, Susana Alaníz, Presidenta e Rafael Pillado, Directivo e represaliado nos sucesos do 72 e noutros anteriores, e pola A.C. Memoria Histórica Democrática, Manuel Fernández Pita, Presidente e Beatriz Rascado, Directiva. Acompañados de representantes das Entidades e persoas firmantes do Manifesto.
Para este MANIFESTO, que adxuntamos, coa relación de apoios ata agora, seguimos recibindo e solicitando a adhesión de cantas Organizacións e persoas desexen apoialo. Pódense recibir no e-mail sinalado ao pé, ou no Facebook, e periódicamente se irán publicando. Rogamos tamén a colaboración de todas e todos na súa difusión.
Daremos ampla información de cantas actividades se vaian programando para facer, entre todas e todos, unha digna celebración do 50º Aniversario do “Día da Clase Obreira Galega” ao longo do 2022 extensivo aos anos sucesivos.
10 de Marzo 1972. 50 Aniversario. Memoria e Dignidade
Adxunto:. Manifesto. Relación de Adhesións. Logotipo.
10m72.50aniversario@gmail.com
Facebook: Diez DE Marzo Cincuenta Aniversario
Comentarios
Publicar un comentario
Deixa o teu comentario...