LETRAS GALEGAS 2017 PARA O PROFESOR CARVALHO CALERO (1910-1990)
Don Ricardo Carvalho Calero (1910-1990) recibiu na súa natal cidade de Ferrol a súa primeira homenaxe pública en 1981, acto no que quedou manifesto a “Súa fidelidade á causa de recuperar para o seu país a súa propia cultura.” Seguiron outras homenaxes, foi nomeado fillo predilecto de Ferrol en 1990, unha rúa, un centro de ensino e outro cultural desa cidade levan o seu nome. En 1996 o Parlamento galego nomeouno Fillo Ilustre de Galicia, don Ricardo foi obxecto de estudos, simposios e congresos. Por primeira vez no ano 2008 Francisco Fernández del Riego propuxo á RAG, como seu presidente, a candidatura de Carvalho Calero ás Letras Galegas, mais, en palabras súas, “A proposta non prosperou e ben que o sentín”. Diferentes entidades e persoas reiteraron a candidatura nos anos 2010 e 2013, tamén sen éxito.
No ano 2014 unha comisión, que acadou amplisimos apoios asociativos, particulares e institucionais, teimou en que lle fóra dedicado o Día das Letras Galegas do ano 2015 a D. Ricardo Carvalho Calero, esgrevio galeguista que ao longo de máis de seis décadas desenvolveu un inmenso labor poético, narrativo, ensaístico, xornalístico, académico, lingüístico, docente, ..., a prol de Galiza e da lingua e cultura galegas. Mais don Ricardo Carvalho Calero, o primeiro profesor de galego na Universidade galega, pai lingüístico de varias xeracións, foi vítima (por cuarta vez!!!) dun interesado esquecemento, e a proposta non prosperou. Nesa ocasión escribiu Vicente Araguas “Pasan os anos e manteñen unha vez máis a inxustiza contra un dos maiores e mellores valedores das nosas lingua e cultura galegas”.
Para o ano 2017, sen desmerecer a ninguén, é tempo de que sexan recoñecidos ao fin os grandes méritos do profesor Carvalho Calero por unha Academia na que ingresara o 17 de maio do 1958. Somos teimudos e unha vez máis, neste 2016 reafirmamos que 26 anos andados do seu pasamento, non pode continuar “Unha das ausencias máis clamorosas no eido das conmemoracións e homenaxes ás grandes figuras da cultura do país.”
LETRAS GALEGAS 2017 PARA CARVALHO CALERO
Ferrolterra, Febreiro do 2016.
Para comunicacións e adhesións.- carvalhocalero2017@gmail.com
RICARDO CARVALHO CALERO (Ferrol, 30 de outubro de 1910 - Santiago, 25 de marzo de 1990)
-Membro do Seminario de Estudos Galegos (SEG) dende 1927.
-Publica “Trinatarias”, poesía en español, Ferrol, 1928.
-Publica “En torno a las ideas comunistas de Platón”·, ensaio, Ferrol, 1928.
-Primeiro presidente da Federación Universitario Escolar (FUE) en Compostela, 1931.
-Publica “Vieiros”, poesía, A Coruña, 1931.
-Licenciado en Dereito pola universidade de Santiago, 1931.
-Membro da Xunta de Goberno da Universidade de Santiago no curso 1931-1932.
-Asinante de varios manifestos a prol dun galeguismo de esquerdas, 1931, 1932, 1933, 1936.
-No Partido Galeguista dende a súa fundación en 1931.
-Coredactor do Anteproxecto de Estatuto de Autonomía de Galiza, 1931.
-Cofundador do Grupo Galeguista de Ferrol, 1932.
-Funcionario do concello de Ferrol, abril de 1933.
-Voda con Mª Ignacia Ramos Díez, outubro do 1933.
-Publica “O silenzo axionllado”, poesía, Santiago, 1934.
-Licenciado en Filosofía e Letras pola universidade de Santiago, xaneiro do 1936.
-Promotor da integración do Partido Galeguista na Fronte Popular, xaneiro do 1936.
-Mitins a prol da Fronte Popular cara as eleccións de febreiro do 1936.
-Compromisario do Partído Galeguista na elección do Presidente da República, maio do 1936.
-Mitins a prol do “SI” no referendum estatutario galego de xuño do 1936.
-Opositor en Madrid a cátedra de instituto, xullo do 1936.
-Miliciano en Madrid na defensa da República no 6º Batallón da 36 Brigada Mixta, agosto do 1936.
-Depurado como funcionario do concello de Ferrol, decembro do 1936.
-Ingreso na Escuela Popular de Guerra do exército republicano (Paterna, Valencia), xaneiro do 1937.
- Destinado como tenente do exército republicano no exercito de Andalucía, abril do 1937.
-Confirmado polo goberno republicano como profesor de instituto, xullo do 1937.
-Prisioneiro dos franquistas ao fin da guerra, abril do 1939.
-Consello de Guerra: condena a 12 anos e un día por galeguista e oficial republicano. Abril do 1939.
-Liberdade condicional, con prohibición de exercer no ensino público, maio do 1941.
-Clases en academias privadas de ensino, Ferrol, 1942-1949.
-Director do colexio privado Fingoi de Lugo, 1950-1964.
-Publica “Anxo da terra”, poesía, Pontevedra, 1950.
-Cofundador da editorial Galaxia, 1950.
-Publica “A xente da barreira”, novela, Santiago, 1951.
-Publica “poemas pendurados dun cabelo”, Lugo, 1952.
-Doutor en filoloxía románica, Madrid, 1954.
-Membro de número da Real Academia Galega (RAG), 1958.
-Publica “Salterio de Fingoi”, Vigo, poesía, 1961.
-Publica a “Historia da Literatura Galega Contemporánea. I”, ensaio, Vigo, 1963.
-Anulada a sanción política, reoposita en Madrid a profesor de español en bacharelato, 1963.
- Incorpórase como profesor a un instituto de Santiago, 1964.
-Primeiro profesor de galego na universidade de Santiago, 1965.
-Primeira edición (acadou sete) da “Gramática elemental del gallego común”, Vigo, 1966.
-Publica “Sobre lingua e literatura galega”, ensaio, Vigo, 1971.
-Publica “Catro pezas”, teatro, Vigo, 1971.
-Por encargo da RAG elabora as “Normas ortográficas e morfolóxicas do idioma galego”, 1971.
-Catedrático de Lingüística e Literatura Galegas da Universidade de Santiago, 1972.
-Publica a “Historia da literatura galega contemporánea (1808-1936)”, ensaio, Vigo, 1975.
-Reedición pola RAG das “Normas ortográficas e morfolóxicas do idioma galego”, 1977.
-Publica “Estudos rosalianos”, ensaio, Vigo, 1979.
-publica “Libros e autores galegos-I”, ensaio, A Coruña, 1979.
-Presidente da comisión redactora das “Normas ortográficas do idioma galego”, 1980. Demite.
- Xubilación como catedrático en 1980.
-Publica “Pretérito imperfecto (1927-1961)”, poesía, Sada, 1980.
-Membro de honra da Asociación de Escritores en Lingua Galega (AELG), 1980.
-Membro fundados da Associaçom Galega da Lingua (AGAL), 1981.
-Publica “Problemas da lingua galega”, ensaio, Lisboa, 1981.
-Reposición honorífica como funcionario do concello de Ferrol, novembro do 1981.
-A Asociación Cultural Medúlio de Ferrol ofrécelle a primeira homenaxe pública, decembro do 1981.
-Publica “Futuro condicional (1961-1980)”, poesía, Sada, 1982.
-Publica “Libros e autores galegos-II”, ensaio, A Coruña, 1982.
-Publica “Teatro completo”, Sada, 1982.
-Publica “A gente da barreira e outras historias”, Santiago, 1982
-Publica “Da fala e da escrita”, ensaio, Ourense, 1983.
-Medalla Castelao da Xunta de Galicia, 1984.
-Publica “Letras Galegas”, ensaio, A Coruña, 1984.
-Rexeita formar parte do Consello da Cultura Galega, 1984.
-Publica “Narrativa completa”, Sada, 1984.
-Presidente do “Congreso Internacional de Estudos sobre Rosalía de Castro”, Santiago, 1985.
-Publica “Cantigas de amigo e outros poemas”, A Coruña, 1986.
-Publica a novela autobiográfica “Scorpio”, Premio da Crítica española, 1987.
-Publica “Escritos sobre Castelao”, ensaio, Santiago, 1989.
Publica “Estudos sobre literatura galega”, ensaio, Sada, 1989.
-Publica “Do galego e da Galiza”, ensaio, Santiago, 1990.
-Publica “Reticencias ... (1986-1989)”, poesía, Santiago, 1990.
-Nomeado Fillo Predilecto de Ferrol, xaneiro do 1990.
*Despois da súa morte foi editado “Unha voz na Galiza. Artigos de xornal (1933-1989)”, 1992.
*Nomeado Fillo Ilustre de Galicia polo Parlamento galego, 1996.
+Proposto como candidato ao Día das letras Galegas dos anos 2008, 2010, 2013, 2015.
Ferrolterra, febreiro do 2016.
(BMV, O Seixo).
Comentarios
Publicar un comentario
Deixa o teu comentario...